知識能夠改變命運 - 我語言老師 Dyami Millarson 嘅人生哲理

由 Ken Ho 撰寫

其實有好多人問我,究竟我係點識到起荷蘭弗里斯蘭省(Friesland) 住嘅 Dyami Millarson。更令人摸不着頭腦嘅係,佢究竟點樣成為我嘅語言老師。其實,佢真係有好多過人長處。佢勤奮好學,不怕艱辛嘅性格,加上佢經常閱讀嘅好習慣,都令到我對佢肅然起敬。起呢篇網誌,我將會討論吓我認識嘅 Dyami Millarson 嘅為人。

學習為先 - 我對佢第一刻嘅印象

從我第一刻起佢起youtube上載咗教人講拉丁語嘅video見到佢嘅時候,就已經感覺到佢知識嘅淵博。雖然佢現時已經基於佢對拉丁文新嘅了解,而將嗰個video從youtube 移除咗,但係我直至依一刻依然記得我個陣時因第一次接觸佢果種對知識嘅追求同準確性(precision)而產生對佢嘅仰慕。雖然而家同個陣時都以經相隔接近五年都(我係起二零一二年九月第一次起網上接觸佢嘅),佢果種對知識嘅熱誠對我嚟講依然係歷歷在目。
佢之前有一個個人網站。起裡面,佢講到佢對佢會考慮收嘅學生寫嘅自薦信(letter of self-recommendation)嘅格式有一定嘅要求。如果學生對Dyami Millarson 提供嘅『共同學習』(co-study 係佢用嘅嘅名)有興趣,就必須符合某一定嘅書寫格式(Writing style)。例如話,寫嘅英文一定要係書面語(formal English),而唔係里語(slang)。我膽粗粗,就寫咗一篇都頗長,有成兩版紙嘅email,嚟表達我對佢offer嘅一齊學習拉丁語嘅Co-study嘅熱誠。畢竟,我當時唔知有咩人(尤其係起香港土生土長嘅香港人)會對拉丁文有興趣。咁樣,我就好熱血咁寫咗封信,click咗嗰send button。
點知過咗一兩日,佢就回咗一封超級長嘅email比我。果陣時真係又驚又喜呀。喜嘅係,我之前甚少用英文同外國人溝通。我寫我第一封信嘅時候,我都係啱啱準備起HKU (The University of Hong Kong) 讀我嘅 商業管理(金融及會計)(BBA(Account and Finance))。果陣時,我正式Year one 都未係。加上我起中學讀書嘅時候,好少同外國人接觸,所以我都唔係好知我寫過封自薦信去佢嘅個人網站會唔會成功。所以,我非常高興收到佢嘅回信。但驚嘅係,佢篇回信係超長個隻。佢寫嘢好有紋路,而且解釋詳細。佢講到佢對好多方面嘅事物都好有興趣。佢比我嘅感覺係,佢係一個好好學嘅人。唔睇佢Youtube嗰video嘅話,我仲會以為佢已經係某大學年長嘅professor。我當時心諗,網上資源咁多,又有咁多好心人,學習真係唔使話要俾好多錢個隻。

拉丁文練習同考試-我起大學嘅生涯 

Co-study 一詞,原本我以為只係指同網絡嘅人溝通下自己起拉丁文學到嘅知識。我當時都仲未知道co-study嘅意思係好intensive 個隻。佢起send 咗第一封長回覆打後,過幾日就send咗本電子書比我。果本書係拉丁文嘅入門班,專係比初級者學嘅。我當時啱啱起香港大學嘅圖書館發現僅藏幾本嘅拉丁文書,好似話一本口袋型嘅First Latin咁,所以見到Dyami Millarson本好似成大本 textbook 嘅拉丁文入門書嘅時候,都嚇咗一跳。而且,我當時啱啱學習適應大學第一年嘅生活。要同時兼顧我學科,大學嘅生活同埋我個人嘅興趣,絕對唔係一件易事。
同時候,我對Dyami Millarson 嘅幫助真係十分感激。佢話我可以當做完一個chapter 嘅exercise 之後,就send個我自己開嘅練習簿嘅page 比佢睇。果陣時,我起學校參加咗嘅rowing club 逢星期三都有training。而且,我平時都好鍾意係香港大學以學生嘅身份,進入嗰Main Library 同埋借閱高達六十本嘅書籍。對當時只可以起公共圖書館,只好以借閱最多六本書,而且除咗中文同英文就冇乜其他可以借嘅書嘅我,香港大學嘅 Main library 真係我每日要返學嘅時候,都必須要留到夜一夜嘅地方。我然後就通常會捧著五六本好重,預咗比阿媽話,而且同我自己個學科一啲關係都冇嘅書籍返屋企。以致我每晚都好夜先返到屋企,而第二日又要好早上早堂。 但係我無放棄我對拉丁文嘅熱誠。每晚我自己係大學嘅 Canteen (一係莊月明個個,一係就係Student Union 隔離個個)食完嘢之後,我就帶住幾本厚厚嘅書,返屋企,然後就做我語言老師Dyami Millarson 比我嘅 拉丁文功課。由於我一般好快就可以起我坐係香港大學嗰MainLibrary嘅時候完成晒我果日所有要做嘅學校功課,我一般好夜返到屋企嘅時候,都只係需要做拉丁文嘅功課。
而當我send我份功課比我語言老師之後,佢真係第二日就即刻send個 Corrected Version 比我,而且仲有好詳細嘅解釋點解某個某個答案係啱嘅,某個某個係唔啱嘅。我只係起度諗,我一定唔可以辜負佢對我一片嘅苦心。即時我有時真係比學校的 Project 同 Presentation (我個科BBA好常有)搞到冇乜時間,我依然會用心咁完成我拉丁文嘅功課。我哋咁樣以書信來往就持續咗兩三個月,直至佢話想同我做個Exam, test 下我拉丁文對答嘅能力。
果陣時真係嚇咗我一跳呀。佢話想用Skype 同我即時用message嚟溝通。我就又膽粗粗download Skype。因為我之前平時都唔係話好容易同陌生人溝通,所以都有啲驚驚地。但係結果又係出乎意料之外!
我果陣時淨係聽到佢把聲,見唔到影像。雖然佢比我嘅exam 我做得比佢嘅預期差,我依然好開心居然有人係網上花咁多嘅時間同心機嚟教我拉丁文。香港好多嘢都需要用到錢,而我又唔係特別有錢果隻,所以係網上識到個咁嘅人真係好開心。

閱讀,閱讀,同閱讀

冇幾耐,佢就開始同我用Skype Video 嚟溝通啦。我第一次見佢,真係嚇咗一跳。佢竟然咁後生,而且仲要細我一歲。雖然我已經起youtube見過佢一面,但係嗰陣時畢竟已經同我同佢第一次用Skype video嘅時候相距甚遠。加上嘅係,我唔係好清楚外國人樣貌同佢哋真實年齡嘅關係,所以直至我同佢Skype個嗰moment,都唔係好清楚佢係幾多歲嘅。
經過第一次同佢嘅見面之後,我哋嘅Contact就只有越來越緊密。由一個月一兩次,慢慢變成一個星期一次,而最後變成我起上年去荷蘭探佢同埋學當地弗里斯蘭語果陣時差唔多每日見一次面。
我哋每一次嘅討論,都令到我對下一次嘅對話充滿深切嘅期待。佢一般會揀選幾篇英文嘅文章嚟同我一齊閱讀。取材一般就係網上唔同嘅英文網站。我哋亦都會睇 維基百科(Wikipedia) 嘅page。好處係,當我哋睇完某個topic 用英文寫嘅page嘅時候,佢會邀請我睇用其他語言寫有關同一個topic 嘅維基百科。咁樣,佢就慢慢教我學外語嘅方法。當我熟習咗某個topic嘅內容嘅時候,我就會用其他語言睇同一個topic嘅,學習外語成件事時就自自然然變得容易好多。
好多好多嘅學習語言嘅技巧,我都係起佢道學返嚟嘅。而家博學多才嘅我,都非常多得 Dyami Millarson 嘅指點迷津。

文章總結

我哋兩個經歷嘅嘢仲有好多好多。好多荷蘭人都對我哋相隔兩地,但而又可以成為好好嘅朋友,都感到好出奇。或者可以講嘅係,我哋對語言,文化同歷史嘅興趣,係將我哋兩者從兩地帶嚟一齊嘅推動力。呢一刻我語言老師Dyami Millarson 同我起香港不斷咁為香港人提高佢哋嘅英文水平而作出貢獻,亦都係出自我哋兩人對唔同人嘅關心(philanthropy)。我自己嘅座右銘係,當你用人哋明白嘅語言同佢哋溝通嘅話,人哋會用個腦去理解,但如果你用人哋自己本身嘅母語同人溝通嘅話,人哋會用個心去明白。用心記住嘅嘢,點都會比用腦記住嘅嘢容易記得好多。
我哋個語言項目(Language project) 希望達到嘅目標就係,人人為我,我為人人。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s