今日我同我語言老師Dyami Millarson 由薄扶林水塘 (Pok Fu Lam Reservoir) 一直咁行上咗去山頂 (The Peak)。行咗三十分鐘到就到。唔講唔知，外國人真係好鍾意起漆黑一片嘅時侯行山。當我以為我哋兩個都已經係好晏先開始行上去山頂（大概晚上七點到），點知起沿途都遇到零零星星嘅外國人帶著全副武裝係度都係行山。就好似有一對一男一女頭上戴住射燈向著我哋個方向行。令到我起老遠以為前面有架車開住車頭大燈咁迎面而來。Dyami 之後同我講話，佢哋真係好鍾意起刻意四處遊走，基本上係冇乜嘢係要驚嘅。我記得我起佢荷蘭弗里斯蘭省嗰屋企住度嘅時候，佢夜晚黑好多中意同我一齊摸黑外出。我一開始都唔係話好習慣，因為始終香港都話晒四圍都有街燈，而果邊就冇乜。但係，行下行下，就反而習慣咗夜晚嘅寧靜。而今日黑媽媽去同佢行山，就勾起我係我起荷蘭嗰三個月美好嘅回憶。

到達山頂之後，我哋係個山頂廣場 （The Peak Galleria）撞到位好友善嘅年輕人。佢叫Alfred。我哋係商場門口就見到一架以綠色就主題嘅推車。我哋見到上面擺放著類似蒸餾壺同銀色嘅水壺咁，覺得好得意，就上次問下佢買嘅產品係咩嚟。細問之下，發覺原來佢係一個來自北歐嘅品牌，叫Ressa。店員Alfred話，Ressa 起原文解作 清新(Refresh)嘅意思。目的係比繁忙嘅都市人嘆一嘆茶，抖一抖咁。佢公司嘅產品都係起外國製造，再起香港出售嘅。Dyami 發現，佢哋其中一個茶嘅產品，rooibos，係荷蘭文嚟。起香港都見到佢國家嘅茶，Dyami都覺得好神奇。Alred 話，Marco Polo HK Hotel 都有用 Ressa 嘅產品。佢仲好好人請咗我哋試飲佢公司嘅 草莓汁 （Berries) 。個感覺好清新，又無加糖，唔會話甜。

我哋之後就去咗山頂廣場嘅一間好有美國特色嘅餐廳，叫做 阿甘蝦餐廳 （Bubba Gump Shrimp Co.)。佢哋其中一位點員 Eric推介我哋試下個有四款做法唔同嘅蝦嘅菜式。佢叫阿『甘』蝦天堂（shrimper’s Heaven 。入面有Coconut Schrimp， Grilled schrimp， Crisp Golden Schrimp 同埋 Tempura Schrimp。個菜式同時附上三種自家製嘅醬汁，分別係 Tangy Asian, Cajun Marmalade 同埋 Zesty Cocktail。店內好多人都有叫呢個餐。無論食物上或者環境上，阿甘蝦餐廳都富有美國文化嘅色彩。

最後，我哋返返嚟港島鴨脷洲我住過附近嚟完成我哋每一日都唔可以冇嘅嘢，飯後甜品。個間起鴨脷洲大街嘅甜品餐廳叫寶壘甜品 （Sweet Castle)。我哋嗌咗嗰西瓜西米露同埋雪糕椰汁冰。我哋揀咗曲奇（Cookie）做個雪糕嘅味道。嗰椰汁冰同曲奇雪糕嘅配搭好好。

聯絡資料：

地址：The Peak Galleria, 118 Peak Rd, The Peak

網站：www.ressatea.com

Facebook: https://www.facebook.com/Ressateahouse

地址：Shop 304 & 305, Level 3, The Peak Tower, 128 Peak Road, The Peak, Hong Kong

營業時間：星期日至星期四（早上十一時至晚上十時) 同埋 星期五，六同假期前夕（早上十一時至晚上十一時）

電話：（852）28492867

地址：香港鴨利洲大街43號地下

營業時間：下午四時至凌晨十二時半

電話：2554 5886