今日我同我語言老師Dyami Millarson 特登出咗去尖沙咀去參觀歷史博物館。 起途中，我哋行過K11 廣場，發現果陣時啱啱有個活動搞緊，場面仲好墟冚添。細問之下，發覺個邊有叫Me-millennials嘅活動。係果度，我哋認識到一位叫Anthony嘅攝影師。我哋同佢講咗我哋個語言項目（Language project)嘅目的，同埋我哋起香港認識到好多唔同嘅人。佢非常友善，對我起三個月就學識咗荷蘭文（Dutch)，同埋起兩個月就學識咗同英文好有淵源嘅弗里斯蘭語(Frisian）都好有興趣。為咗快啲起歷史博物館閂門之前參觀到個展覽，我哋無奈要加快腳步。唔係嘅話，我哋總會傾耐啲添。畢竟，如Dyami Millarson 同我講，荷蘭人好重視人與人之間嘅關係。佢哋認為你比人哋嘅關注（Attention) 同埋關心（Care)係無價嘅。所以，佢哋一般都會比晒全世界嘅時間比朋友同重要嘅人。畢竟，好似佢話齋，我哋有嘅係時間 （What we have is time.)。

香港歷史博物館（Hong Kng Museum of History）對我嚟講就唔係乜嘢新鮮嘅嘢。但係對Dyami 嚟講，嗰博物館就有好多值得參觀嘅嘅展品。香港歷史博物館最重要嘅展覽區，香港故事（The Hong Kong Story)，係免費嘅，而且長年累月都有得睇（Permanent Exhibition)。咁啱係呢一刻有個叫『香港玩具傳奇』（The Legend of Hong Kong Toys) 嘅短期展覽 （Special Exhibition)。咁啱今日係耶穌受難節（Good Friday），係一日公眾假期，所以當我哋去到嘅時候，出面大排長龍。好多家長帶埋啲細蚊仔去買飛入場。

之後，我哋就當然去咗隔離嘅香港科學館 （Hong Kong Science Museum)都睇下啦。之後，我哋行下行下，去到附近嘅首都廣場（The Capital）。見到門口有賣爆谷，我哋都忍唔住買番啲試下。我哋有同起果個攤檔做緊嘢嘅Maggie姐傾過偈，得知個攤檔暫時係臨時嘅。我同佢個話我係香港唯一一個識講弗里斯蘭話幾香港人，而且我哋有寫緊個以唔同語言寫嘅blog。弗里斯蘭語對解釋英文嘅歷史好有幫助，而依個亦都係我學弗里斯蘭語其中嘅一個原因。佢好細心咁聽我哋嘅講解。即使佢當時都有好忙，要處理客人嘅嘢，佢佢依然耐心咁了解弗里斯蘭語對明白英語語言嘅重要性。我哋都非常多謝佢嘅時間！

我哋之後就去咗中環（Central)。起果度，我哋認識到起 太子大廈 (Prince’s Building) 工作嘅阿steve。我哋當時有啲口渴，想飲啲鮮榨果汁，就去咗太子大廈嘅禮賓部（Concierge)問下附近有冇咩推介。當我哋問阿Steve嘅意見嘅時候，佢好友善咁比咗我哋好多嘅意見。佢好細心了解我哋想要嘅果汁嘅類型係乜，之後亦都想了解多啲Dyami Millarson 係香港嘅所見所聞。我哋同佢有談及到我哋個語言項目（Language Project)。當佢了解到Dyami Millarson 幫我完成我起三個月完成學荷蘭文，同埋超額咁起兩個月學識咗弗里斯蘭語嘅夢想，佢都覺得好有趣。最後，我哋交換咗電話，希望我哋遲啲再會有聯絡。

最後，我上咗同樣位於中環嘅置地廣場（Landmark）七樓嘅一間法國精緻餐飲餐廳（French fine-dining restaurant)度用膳。我哋一到步，我就感受到Amber呢間法國餐廳舒適嘅格局。唔講唔知，Amber今年已經踏入第九年被選為米芝蓮二星嘅餐廳。而今年，佢仲被選為全亞洲頭五十位嘅餐廳。我哋叫咗兩個餐，一個係魚（Red Amadai)，一個係鳩鴿（pigeon)。一開始個前菜包括五種唔同，用嚟打開食客個味蕾嘅小食。佢哋全部都好精緻。之後，嚟咗個Bread basket。襯上兩種有鹹嘅，又有甜嘅牛油，真係皇帝級嘅享受。好快就嚟咗我哋嗌嘅主菜（Main Course)。個鳩鴿（pigeon)有分開唔同嘅部位，例如胸部（breast)同埋腿部（leg)。加埋有用穀類 (Cereal) 同埋薑（Ginger），好多肉汁嘅鳩鴿就形成四款起碟上唔同嘅菜式。係一個好化心思同好有特色嘅菜式。另外個魚上面嘅鱗(scale) 係俾燒過嘅（roasted).所以當我用刀又上面切落去嘅時候，都有好爽脆嘅聲音。魚嘅上層脆口，魚肉鬆軟，配埋起碟上黏有綠色菜汁嘅生菜（pointed Cabbage)，包住嚟食，好有層次。我哋仲叫咗個叫Grand Marnier 嘅 Soufflé 甜品。起個用蛋做，好脹卜卜（puffy)嘅 Soufflé隔離仲有個有香橙（orange)味嘅沙冰配 Champagne酒嘅甜品。加上上面一片嘅脆脆，成件事就變得好夾。我哋最後仲食到佢哋送畀我哋嘅朱古力甜品。起高高雪白嘅托盤上，仲有一邊士多啤梨做嘅糖果。我哋真係比佢哋完全咁仲壞晒啦。

聯絡資料：

K11 廣場：

香港歷史博物館（Hong Kong Museum of History）

網址： http://hk.history.museum/en_US/web/mh/plan-your-visit/admission.html

Amber