離島(Outlying Island)起香港泛指起香港島(Hong Kong Island)，九龍（Kowloon)同埋新界(New Territories)嘅島嶼。根據統計，香港一共擁有二百六十三個嘅島嶼。而咁啱既係，我住嘅鴨脷洲（Ap Lei Chau)係全世界第二人口最稠密嘅島嶼。為咗感受多啲香港唔同島嶼上嘅風光，今日我同我語言老師Dyami Millarson 就決定起中環碼頭（Central Piers)搭船去長洲，進行我哋嘅長洲本日遊。

其實，我哋一開始係冇一個好詳細嘅行程表嘅。我哋都係當出咗門口嘅時候，先開始諗有乜嘢好做。由於我哋急需一啲諗頭，一諗就諗起我哋尋日起太子大廈（Prince’s Building)認識到嘅Steve。諗返起尋日，當我哋兩個想起中環搵間售賣新鮮果汁嘅商舖時，Steve非常有心咁提供咗好多有用嘅建議。我哋真係好感謝佢嘅幫忙。當我哋今日再同佢聯絡，用Whatapp問下佢對我哋起長洲做啲咩會有咩提議嘅時侯，估唔到佢冇幾耐就即刻回覆。我哋都深深感受到佢對我哋作為佢嘅朋友嘅關心同重視。冇咗佢嘅幫忙，好可能我哋今日唔會起長洲踩單車，睇張保仔洞同埋去間好近長洲碼頭嘅一間意大利餐廳，Slow Life度。多謝晒你呀，Steve哥！

我哋中午搭地鐵到咗中環之後，想首先去超市到搵啲嘢食填飽個肚先。咁樣我哋就係中環嘅 惠康Welcome買咗啲嘢食同飲品。值得讚嘅產品，係一盒150 gram叫Diablo嘅冇糖花生朱古力。今日係惠康嘅價格係 32.9 HKD。佢嘅特色係，即使入邊得六塊撒上好多唔同大細花生嘅朱古力餅，佢哋食落非常之飽肚。Dyami 用荷蘭文嚟咁形容佢， “Het is echt vullend”。翻譯過嚟，就係好填飽個肚嘅意思。

我哋之後行返去中環碼頭（Central Piers)度搭新渡輪去長洲。起經過國際金融中心(IFC)一樓嘅途中，發現到有間好特別嘅商店。起廚櫃到佈滿著芝士呀，蛋糕呀之類。我諗返起我起荷蘭弗里斯蘭省 (荷蘭文：Friesland)食過嘅芝士都係好好味嘅，尤其係位於弗里斯蘭省嘅泰爾斯海靈島（荷蘭文：Terschelling）上嘅芝士。起我同Dyami Millarson起Terschelling逗留最後嘅一日，有幸參觀一間叫Pieter Peit’s Hoeve 有自家製作芝士工場嘅芝士農場（荷蘭文：kaasboederij）。之後我仲買咗成嚿以真空包裝，自家製嘅芝士返嚟香港。我到呢一刻依然深深咁記得。所以，一見到有間賣芝士同用唔同用芝士嘅嘅甜品嘅商店，我都忍唔住要入去睇下。

原來，呢一間專用日本北海道小樽嘅芝士嚟整各式各樣甜品嘅甜品店叫LeTao。自1998年成立至今，LeTao除咗佢起本身發源地嘅日本北海道小樽嘅本店以外，起首爾，台北同曼谷都有分店。而咁啱，佢上年起香港嘅國際金融中心(IFC)一樓就開咗分店，位置好搶眼，基本上起地鐵站一上嚟就會見到。佢哋嘅員工好nice，對我哋嘅詢問解答得好詳細。對於我哋對芝士嘅愛好，佢哋仲特登送咗見雙層芝士蛋糕（Fromage Double）俾我哋試吓。佢哋對客人嘅細心，真係無微不至。佢哋知道客人未必可以即刻買完件蛋糕就會返屋企，所以啲蛋糕都會預先雪好。起拎俾客人之前，亦都會詢問客人會係外面室溫逗留嘅時間，嚟決定需要放起蛋糕盒外面嘅冰塊嘅數量。佢哋亦都講解食用嘅分法，叮囑要起購買嘅第二日之前就要品嚐過蛋糕，以保持食物嘅新鮮。一切一切嘅細心，都不能盡錄。當佢哋知道我哋今日會出去行下先嘅時候，都建議我哋起LeTao晚上九點閂門之前返嚟領取蛋糕。我哋出發去去中環碼頭之前，仲同其中一位幫我哋打點一切嘅員工Ashley姐起LeTao廚櫃面前影咗張相，非常開心。

達到中環碼頭後，我哋見到有三個表演有好濃厚美國印第安人音樂嘅外國人係度賣藝。我哋對佢哋嘅表現好有興趣，並且走上前問佢哋嘅事。佢哋話佢哋係印加帝國嘅後人，即係印加人（Incas），而是就係 『太陽嘅子孫』。我哋聽到佢哋自己圍內講一種好特別嘅語言。詢問之下，發覺佢哋嘅語言係叫做奇楚瓦語（Quechua)，係南美洲原住民自己獨有嘅語言。佢哋仲有自己製作嘅CD，有興趣嘅人可以購買啊！

我哋去到中環五號碼頭，想乘搭普通船去長洲，就咁啱搭到下午四點半個班船。全程用咗一個鐘，坐起船身三樓有冷氣嘅船艙，睇到沿途嘅景色，順便休息下。達到咗之後，我哋就實行Steve俾我哋嘅建議去做單車，去張保仔洞，同埋去間叫 慢活堂（Slow Life) 嘅意大利餐廳都進餐。

我哋首先去咗間叫蕭記嘅單車出租店（Siu Kee Company)都租咗單車，性能唔錯。我哋之後就直踩到張保仔洞都。有啲位又樓梯，咁我就帶住啲單車，但Dyami 自己入去睇。佢係入面都影咗幾張相。

 

出返嚟之後，我哋就去咗慢活堂（Slow Life) 門口睇下餐牌。餐牌嘅設計都好有外國風味。而起門口我哋見到牆身髹上簡潔嘅棕色，氣氛別具一格嘅。我哋起門口望入去嘅時候，見到入邊座無虛席，生意非常之好。無奈嘅係，我哋要趕緊係LeTao起中環嘅分店起九點閂門之前返到去攞我哋心愛嘅蛋糕。我哋問過Slow Life 嘅廚房，當時一般嘅菜式都需要多於二十分鐘嚟預備，即時我哋想外賣，試下佢哋嘅菜式，都因為時間關係而無緣嘗試。我哋起講緊搭起八點鐘開出嘅快船嘅同時，亦都希望我哋遲啲會再有一次機會嘗試位於長洲慢活堂（Slow Life)嘅菜式。Slow Life，記住當我哋嚟試下你哋嘅菜式呀！

返到中環碼頭嘅時候，我哋起今日撞到三位演出美國印第安人音樂嘅印加人同一個地方，遇見到另一 Groep 嘅人。我行過一望就望到係人群堆中間，一個年輕男子雙手各手持一支由五個火頭嘅火焰棒。佢對一共十個火頭嘅靈活運用，令兩支火焰棒不斷起雙手，頭同身都遊走，都令到我哋四圍嘅觀眾同我哋讚嘆不已。最後佢以吞火為佢個個人表演作為總結，都令到我哋想認識到佢嗰團體更多。

細問之下，了解到啱啱表現火炬嘅係呀Ben。佢嘅藝名係Mattsol。佢話佢有超過五年教人學習火焰嘅舞蹈（Flow and Fire Art)。佢亦都介紹咗另一位佢團隊女性嘅表現者俾我哋識，佢叫ShanSlevista。佢哋係二人組合嘅呢，叫Shanslevista & Mattsol。Shanslevista係教人瑜伽(yoga)嘅。佢本身係2010年開始自學瑜伽成功，現時已經起美國嘅西雅圖（seattle)教過多班嘅瑜伽。Shanslevista想透過瑜伽（yoga)嚟幫人培養身心健康 (wellness)。所以，佢哋兩位都有現時都有開班授徒。另外，佢哋都係初次來香港，但原來之前已經到過好多其他亞洲國家表現過，例如泰國（Thailand)，柬埔寨（Cambodia) 咁。佢哋表現經驗豐富，亦都非常熱愛佢哋嘅街頭藝術，亦都係佢哋演出成功嘅關鍵。問到佢哋會起香港留到幾時，佢哋話會做多幾場街頭表演，就會去另一個國家。想了解更多佢哋嘅表現，同埋留意佢哋最新嘅動態，可以去佢哋嘅網址，面書（Facebook），同Instagram到睇下。詳情起本篇網誌嘅底下。

睇完表演，我哋就好雀躍咁返返去leTao到領取今日佢哋送俾我哋嗰雙層芝士蛋糕（Fromage Double)。我哋同時都好有興趣試吓個混合咗三種唔同芝士嘅黃金芝士蛋糕（Parfait D’or Fromage)。於是，我哋就用 190 HKD 買咗嗰返屋企試下。我哋將會起聽日或者後日公開我哋對食完個（i)嗰雙層芝士蛋糕（Fromage Double) 同埋（ii) 黃金芝士蛋糕（Parfait D’or Fromage)嘅感想。想知道兩個芝士蛋糕嘅味道，層次同口感，就記住留意住我哋個operationx 嘅網誌（Blog)啦！

我哋嘅生活越夜越精彩。我哋決定起中環試下新嘅餐廳。透過Open Rice,我哋搜尋附近有售賣素食（Vegetarian Food) 嘅餐廳。我哋首先去咗一間叫Mana!Faster Slow Food 嘅素食餐廳。果度嘅環境唔大，但勝在佢哋嘅食物好食。Dyami 話，好食嘅餐廳嘅Menu一般只會有幾道嘅Signature dish。當餐廳用心去做好個幾道拿手菜式嘅話，好食嘅機會就會大大提升。而咁啱，Mana！Faster Slow Food 主要嘅食物係有機嘅麵餅（Flatbread）。客人首先要係林林總總嘅材料中挑選四樣（four toppings)你作為Flatbread 嘅餡。然後廚師就會攞佢去焗，再撒上起中東菜式好常用嘅香料Za’atar，就完成啦。我的嗌咗一個全嗰Flatbread (Fulll Flatbread)，佢哋幫我哋將佢分開兩件，亦都分別包好，冇散修修咁，服務好好。我哋個四款材料係 慢乾番茄（Slow dried tomatoes)，一種原產自希臘嘅, 叫Manouri Cheese嘅希臘芝士（Greek Cheese)，烤豆腐（Roasted Tofu)，同埋烤蔬菜（Roasted Vegetable）。成個flatebread要 90 HKD，對一間 素食餐廳（vegetarian shop)嚟講，唔算話貴。我哋仲嗌咗嗰要 40 HKD 嘅湯。佢今日個湯係甜豆配西芹（Sweet Green Peas with Celery)。佢哋打爛晒啲材料，變成好濃嘅糊狀，既健康，又幾好飲。我哋一致認為Mana! Faster Slow Food 最值得食嘅係個 Flatebread。

我哋再去咗間起中環蘭桂坊嘅意大利餐廳。佢叫Ciao Chao, 亦都係我哋透過Open Rice搵到嘅餐廳。果度係好多外國人聚集嘅地方。我哋揀咗個比較靜嘅角落，order 咗個叫 Margherita 嘅薄餅 （pizza)。入邊嘅材料有番茄（San Marsano Tomato)，Mozzarella 芝士，巴馬臣芝士（Parmigiano Reggiano)，羅拉葉（basil)同埋橄欖油（Extra-Virgin Olive oil)。一上碟，我哋就感受到個薄餅好脆，好薄。我哋好快就食晒，而且好滿足。我哋仲起餐廳周圍影相。見到個大大嘅開方式廚房，兩個來烤薄餅嘅大焗爐，同埋個好靚嘅 bar 枱。起門口，仲有三個起橫樑吊係度嘅大電視，俾人睇足球直播，唔怪得蘭桂坊一年三百六十五日都咁多人啦! Ciao Chao 的確係朋友聚會，嚟暢所欲言嘅好去處。

(排名不分先後）

英文名：Sugar Free Chocolate Chip Cookies

價格：港幣三十蚊度 （起惠康今日嘅價格係 32.9HKD)

份量：一盒有六塊上面撒有好多唔同大小花生頗大嘅朱古力餅

推介嘅原因：好飽肚，食咗兩三塊已經夠做下午茶。

性質：售賣來自北海道小樽嘅芝士及奶類甜點嘅商店

營業時間：每日上午十時半至晚上九點

地址：Shop 1033, 1/F, IFC, 1 Harbour View Street, Central

電話：2465 7203

網址：http://www.letao-hk.com/

性質：單車出租及新單車啲零售

地址：24, G/F, Chung Hing Sun St. Cheung Chau

電話：9484 5777

性質：素食餐廳 （Vegetarian Shop)

地址：92 Wellington Street, Central

電話：2851 1611

營業時間：每日上午十時至晚上十時

網址：http://www.mana.hk/

推薦菜式：Organic Oven-Baked Flatbreads topped with Zaatar (half 50 HKD, full 90 HKD)

性質：意大利餐廳（Italian Cafeteria)

地址：G/F, California Tower, 30-32 D’Aguilar Street, Lan Kwai Fong, Central

電話：2344 0005

網址：http://www.ciaochow.com.hk/

個人網址： http://mattsol.com/

Email 地址：matt＠mattsol.com

Instagram: mattsolflow

強項：有教授五年Flow and Fire art嘅經驗。現時從事街頭表演（street performance)同教授學徒（teaching classes)。

個人網址：http://shanslevista.com/

面書（Facebook): shanslevista

強項：透過瑜伽（yoga)，幫助人達致身心健康（Wellness）。現時從事街頭表演（street performance)同教授學徒（teaching classes)。