由 Ken Ho 撰寫
我今日起身，覺得零舍熱。Check一Check手機，竟然發覺氣溫有成三十幾度，真係熱死人喇。正當我諗緊今日有咩消暑嘅活動，可以同我荷蘭老師Dyami Millarson一隻去做嘅時候，佢已經透過手機搵到消暑好去處：去位於九龍塘又一城（Festival Walk）嘅溜冰場（The Glacier)度溜冰。
一去到又一城（Festival Walk），果度啱啱做緊個汽車展覽，係BMV嘅呢。自己依個時候仲未有車，但代表唔可以發下夢，做個年輕嘅車主嫁嘛！所以我哋就入咗個車廂，試下個seat位，為日後就個真正嘅車主做好準備（笑)!
上多幾層，就到咗The Glacier度，俾每個人75 HKD 嚟入場溜冰。講起溜冰，唔可以唔題嘅，當然喺我起荷蘭弗里斯蘭省到第一次溜冰嘅經歷。話說果陣時我生日，Dyami嘅果家人都為我諗好多可以一齊做嚟同我慶祝嘅嘢。搞笑嘅係，明明每個人每年都只有一日嘅生日（birthday)，我哋就偏偏搞咗個last成個星期嘅『生日星期』，我簡稱嘅『生期（Birthweek)』。起果個星期裡面，我哋就做咗好多嘢，例如話整佢哋屋企一到有咩節日就整嘅pom，飲香檳，起Fries Museum到睇咗套歐洲本地通常唔會賣埠嘅電影同埋其他。最難忘嘅，就係起我birthweek嘅第三日，我哋一齊去咗附近一個叫Elfstedenhal嘅溜冰場度溜冰。
起弗里斯蘭省嘅溜冰場之所以會叫做Elfstedenhal，係為咗紀念由1909年第一屆舉行，到而家已經舉行咗15次嘅Elfstedentocht。Elfsteden 起荷蘭文係指『十一個城市』，而呢十一個城市都係弗里斯蘭省嘅城市（Elf Friese steden). 起弗里斯蘭文，佢叫做Alvestêdentocht。Tocht 係解作 旅程（tour) 嘅意思。由於呢個係弗里斯蘭省（Friesland）獨有嘅活動，一般都會用返弗里斯蘭語嘅Alvestêdentocht嚟稱呼呢個溜冰溜至十一個唔同嘅弗里斯蘭城鎮（弗里斯蘭語：stêden)嘅溜冰比賽。佢之所以到現時都只有舉辦過15次比賽，係因為冬天嘅天氣一定要夠凍，啲冰夠厚，個比賽先可以舉行。最近果次舉行都已經係1997年嘅事，因此當地嘅弗里斯蘭人每年都好渴望alvestêdentocht可以舉辦成功，繼續弗里斯蘭省文化嘅傳承。
照片：弗里斯蘭人（Frisians)好鍾意溜冰（Ice-skating)。佢哋甚至因為溜冰呢種運動而感到自豪，例如佢哋冬天有機會就舉辦嘅alvestêdentocht
講起Elfstedenhal，我果日同Dyami去嗰次，係我人生嘅第一次溜冰。去到果時，已經有好多人溜冰。一望，好多都係金髮同藍眼嘅弗里斯蘭人。唔講唔知，佢哋係好好運動嘅。溜冰呀，游水呀，踩單車呀已經係生活嘅一部分，係唔需要特登起咩運動日先會諗起做嘅。起香港，我都不時見到愛好運動個外國人。對於弗里斯蘭人嚟講，溜冰（弗里斯蘭語：it hurdriden)係佢哋好自豪嘅嘢。記得我一次去探訪起弗里斯蘭省其中嘅一個城市akkrum嘅老人院（弗里斯蘭語：âldereinsoarchynstelling), Leppehiem，有個老人家同我講，佢細個嘅時候有一年alvestêdentocht成功舉辦，佢阿爸即時當時唔覺足夠嘅衣物，都去咗參加比賽。佢話阿爸當時淨係用咗報紙包住自己嘅身體嚟保暖，不顧一切就去咗溜冰。另外一個都係起同一個老人院嘅婆婆話，佢家人連續贏咗五六年alvestêdentocht 嘅獎項，而佢亦都為此感到自豪。一切一切，我哋都可見alvestêdentocht 起弗里斯蘭人心目中嘅地位超然。
我當時起Elfdstedenhal一落到冰場，企都企唔穩。又要Dyami拉住我兜圈。而今次起又一城（Festival Walk）嘅 The Glacier，我自己已經識慢慢行，進步咗好多。我為此感到好高興！Elfstedenhal 同 The Glacier 唯一唔同嘅地方，只係冰嘅質素。The Glacier 嘅冰比較難溜得順，而Elfstedenhal因為經常用磨冰機磨滑，所以會順啲。加上Elfstedenhal比較大，溜冰都溜得順啲。
照片：又一城（Festival Walk）嘅The Glacier入邊嘅儲物櫃（lockers）
照片：玩咗咁耐，係時候走啦！
溜完冰之後，去咗隔離嘅Juice To Go買咗杯叫Capital C 嘅鮮榨果汁，入面有橙(orange)，奇異果(kiwi)同埋士多啤梨（strawberries)。員工都係即叫即整嘅。佢哋會用身後嘅攪拌機即刻整，我哋成個過程都見到晒，保證新鮮健康。
我哋透過Open Rice搵到起Festival 商場有間意大利餐廳，叫Amaroni’s。個大廳係直接起門口可以見到嘅。當時差唔多座無虛席，好彩入面都仲有兩人枱，俾我哋即刻入去坐。門口掛著唔同有關復活節（Easter)嘅裝飾，尤其係復活蛋咁，好應節。入咗去坐嘅時候，聽到背景播放著嘅意大利文歌，加上樓頂吊落嚟嘅吊燈(Chandelier) 好有歐洲風格。係我哋都未叫嘢食嘅時候，已經離咗個熱辣辣嘅包同蛋糕，係嘢食上枱之前醫肚嘅好幫手。個蛋糕外脆，內軟，食落去好鬆化，好好味。
照片：當我哋睇緊餐牌（Menu)睇下有咩嘢好嗌嘅時候，佢哋已經嚟咗個熱辣辣嘅麪包同蛋糕。個蛋糕外脆，內軟，好好食
我哋叫咗一個叫Seafood Mediterraneo(地中海)嘅pizza，同埋一杯草莓smoothie，有無再嗌啦。相比起其他坐係我哋隔離嘅人，我哋嗌嘅嘢食嘅種類，的確比較集中，比較係歐洲人嘅食法。的確，佢哋歐洲人果邊嘅食法嗰份量多數係多好多，容易啲飽肚，俾身體多啲能量去應付每日需要面對嘅挑戰。Amaroni’s 嚟間餐廳嘅食物都係大份同好味為主，別具歐陸情懷。當我哋嘅地中海pizza呢度個陣，嗰pizza嘅份量都嚇親我哋。我哋嗌咗Menu入面價值280HKD十二塊（12 pieces)嘅 地中海pizza，但無諗到會咁多。嗰pizza係連埋個木板送上嚟嘅，睇落去似係直接由個焗爐到即刻落出嚟。嗰pizza切好晒擺喺枱，非常方便。除咗感受焗到融晒，黏住pizza面好濃郁嘅芝士醬之外，食落去個陣，總會食到好多唔同嘅海鮮，有蝦(schrimp)，青口（mussels)，蜆（Clams)同龍脷魚（Sole Fish）。我仲見到pizza上有一粒粒嘅芝士，估計係焗完之後先加上去嘅。
我同Dyami嘅對答，一般都用荷蘭文嘅。關於個地中海pizza，Dyami 話，個麵團(荷蘭文：deeg)搓得好好，因為佢感受到pizza嗰底（荷蘭文：basis)好脆好薄而中間心好鬆軟。加上海鮮嘅鮮味，令成個pizza味道好濃郁，但同時又好自然。我覺得，如果上面再會加多啲菜，嗰pizza會更加清新，又可以中和油膩嘅感覺。
最後我哋加咗個Mixed Berry Smoothie。沙冰（smoothie)係我哋鐘意嘅飲品。其一，佢係消暑良品。佢以，沙冰唔似得凍飲加冰，當啲冰粒（Ice cube)融嘅時候，會令到成杯飲品變得稀晒，令到好多人都有話 『少冰』嘅衝動。而呢杯Mixed Berry Smoothie，上面有原粒嘅士多啤梨(Strawberry)同埋醬果（Berry)，加上同冰碎融合一體嘅Mixed Berry 鮮榨果汁，感覺非常自然（Natural），並無任何化學嘅添加物料（Chemical ingredients)。Dyami話，佢起香港咁耐，試過咁多嘅smoothie，都發覺香港嘅smoothie比佢荷蘭遇到嘅味道比較自然，值得一讚。我飲落去個刻，解咗食完pizza個種油膩同鹹嘅感覺，令我煥然一新。
我哋係走之前，起Amaroni’s 都仲影咗幾張相留念。佢起個大廳入面中間法國Le Penseur，象徵著對知識嘅追求（philosophy，哲學）嘅石像，絕對係入嚟食，必定要影相嘅藝術品！
聯絡資料：
香港
展覽資料：
BMV汽車展覽 （位於又一城（Festival Walk） 商場裏面）
展覽期限：四月十四號二零一七年至四月十七號二零一七年
時間：早上十一時至晚上八時
地址： Level LG2， Festival Walk, 80 Tat Chee Ave, Kowloon Tong
娛樂設施：
The Glacier （位於又一城（Festival Walk）商場裏面）
開放時間：每日早上十時三十分至晚上九時三十分
地址：Shop UG-21, Festival Walk, 80 Tat Chee Ave, Kowloon Tong
電話：(852) 2844 3588 / (852) 5500 3588
傳真：(852) 2265 8822
商舖資料：
Amaronis
性質：意大利餐廳
營業時間：（星期一至星期四，及星期日）早上十一時至晚上十一時，（星期五及星期六）早上十一時至凌晨十二時
地址：Shop 32, LG1, Festival Walk, 80 Tat Chee Avenue, Kowloon Tong, Hong Kong
電話：（852）2265 8818
註：我哋今餐叫咗（i)Seafood Mediterraneo (12 pieces) (280 HKD) 同埋（ii) Mixed Berry Smoothie （48 HKD）。加埋加一服務費，一共360 HKD 落樓
荷蘭
Elfstedenhal (翻譯：弗里斯蘭省溜冰場）
地址：Fryslânplein 1, 8914 BZ, Leeuwarden, Friesland, de Nederlanden
電話： (058) 213 55 55
電郵：nfo@elfstedenhal.frl
註：為咗慳電，一般Elfstedenhal起夏天期間係唔會開嘅。例如話，係今年，個官方網站就話起 三月二十七號（荷蘭文：27 maart)至八月十八號（荷蘭文：18 augustus）閉館（荷蘭文：gesloten)
Foundation Operation X for languages, cultures and perspectives 