今日又係新嘅一日。為咗迎接新嘅開始，我哋今日就當然做啲新嘅活動啦。咁啱上嗰星期六四月十五號我哋就去咗長洲踩單車同睇張保仔洞等等，而今日我哋就去咗蒲台島到睇巫氏古宅同欣賞周圍自然嘅景色。之後，我哋搭返渡輪出嚟香港島嘅赤柱，參觀個度嘅天后廟，見到好多唔同中國嘅神靈果邊都有供奉。為表心意，我哋仲添咗啲香油，希望廟宇繼續香火鼎盛，世代相傳。之後，我哋去咗赤柱嘅一間正宗嘅德國餐廳 （King Ludwig Beerhall)，試咗佢哋連我語言老師Dyami Millarson都話好有德國特色嘅菜式。我哋一直慢慢品嚐枱上嘅美食直至到黃昏時分，欣賞埋餐廳為在場每位食客提供，好羅曼蒂克嘅英語情歌歌唱表演添。起柔弱嘅黃色燈光嘅照射下，成個環境嘅氣氛好有Feel，好舒適。起已經入夜嘅赤柱廣場地下嘅中央，有間賣意大利雪糕同乳酪嘅甜品屋嘅燈光吸引咗我哋嘅注意。我哋就即管試咗佢兩種嘅雪糕，包括酒味香濃嘅 Rum & Raison，同埋同一時間又酸又甜嘅Rose Petal Yoghurt。Rose Petal 其實就係玫瑰花瓣。要成功榨取玫瑰花瓣嘅汁液，並且同乳酪混合得融為一體，確實係困難嘅。嚟種屬於普遍Fine-Dining （精緻餐飲）嘅甜品，以大概七十嘅港幣就有兩球嘅價格嚟出售，實為抵到爛嘅。今日嘅見識又多咗啦。
照片：大概起船開出嘅十五分鐘之前咗右，由香港仔碼頭（Aberdeen Pier)前往蒲台島嘅船隻就慢慢咁舶埋岸邊，比乘客登船
照片：嚟到蒲台島，梗係要同返個牌扁影返張相啦，證明我哋呢個呢度到此一遊嘛（誤）！
照片：要去搵島上嘅巫氏古宅， 就必須行的佈滿樹枝，要橫低身先知穿過都嘅路。
照片： Dyami 話，夜晚嚟可能個氣氛會仲好啲添（驚）！
照片：呢度蒲苔島，點可以唔試下呢度最出名嘅海產，紫菜 (Seaweed)呀?
照片：好快，我哋就嚟到間碼頭隔離嘅一間糖水喔。入面嘅婆婆正為我哋準備Dyami Millarson 話想試下嘅綠豆沙（Green Bean Soup)
照片：嚟碗十三蚊嘅綠豆沙，簡直就係起呢個又大風，又大雨嘅蒲台島嘅救星！
照片：話咁快，我哋就起架船嘅中途站赤柱（Stanley)度落船，繼續發掘香港有趣嘅事物同建築等等
照片：我哋一齊去過西貢嘅，香港仔嘅仲有天后站附近嘅嘅天后古廟。估唔到，起赤柱呢度，都有個供奉神明嘅寺廟喎！
照片：左搵搵，右搵搵，最後就俾我哋搵到間德國餐廳，King Ludwig Beerhall
照片：雞髀咖喱包配雜菜 （Curry of German Chicken Legs in Bread Loaf with Vegetables）。咁食法別具特色，係我嘅第一次。
照片：德國餐廳King Ludwig Beerhall嘅吧檯（Bar)
照片：就係咁，我哋就試咗佢哋店最具特色嘅雪糕同乳酪，（i) Rose Petal Yoghurt 同 (ii) Rum & Raison。 佢哋嘅質素可比我哋之前食開嘅法國精緻餐廳（Fine-Dining Restaurant）嘅質素。以大概七十嘅港幣，就食到咁高級嘅甜品，簡直係物超所值呀！
詳細資料：
Foundation Operation X for languages, cultures and perspectives 