‘t Nuver gebroek van ‘men’ ien ‘t Grunnegers

Schreven deur Dyami Millarson

‘n Biezunderhaid aan ‘t Grunnegers is ‘t nuver gebroek van men. ‘n Grunneger dinkt hom d’r zulf bie. ‘t Woord men het doarom n aandere betekenis ien Grunnegers. Dit zörgt veur verwarring bie vertoaling. As ain dij Hollands sprekt, dinkt mit men ien ‘t Grunnegers ‘t zulfde zeggen te kennen as ien ‘t Hollands, den zit e d’r slim wied noast.

Dit is goud gebroek van men ien Grunnegers:

  • Men het gain tied om die te helpen. Ik heb (wij hebben) geen tijd om jou te helpen.
  • Men wol geern peerd rieden. Ik wil (wij willen) graag paardrijden.
  • Men zait dat ‘t goud is. Ik zie (wij zien) dat het goed is.

‘t Hollandse men mout op n aandere wieze oetdrukt worren ien ‘t Grunnegers. Noamelk mout dat mit waarkwoord worren:

  • D’r wer zegd dat hai gain wicht haar. Men zei dat hij geen vrouw had.
  • Dat wordt doan ien ‘t loug. Men doet dat op het platteland.

Ien ainege gevallen ken ook elk en ain of ginain broekt worren om algemaine betekenis van ‘t Hollandse men oet te drukken:

  • Elk en ain vin dat moar niks. Men vindt dat maar niks.
  • Ginain dut dat ien ‘t loug. Men doet dat niet op het platteland.

3 comments

    • Welkom op ‘t blog, ‘t is prachteg om een oprechte Grunneger d’r bie te hemmen!
      ‘t Is wol biezunder mit de toal ien Grunnen. ‘n Bult varioatsie.
      Ik wait aings nait zo veul òf van aandere varianten van ‘t Grunnegers, mout ik eerlik zeggen. Ik proat en schrief moar ien ‘t Hogelaandsters zoas Jan Boer dat dee. Ik ben wel hail interesseerd ien aandere varianten, hur, doar nait van. Moar joa, as men toal mit n bult varioatsie leren wil, mout men veurnoamelk aan ain variant vastholden en open stoan veur varioatsie, dinkt men den. ‘t Grunnegers is mooie toal mit echt veul nuvere dingen veur ain dij Hollands sprekt.
      Nou, ik heb aal n boudel zegd over mien holding, moar ik mout d’r aingeliek nog bie zeggen dat ik mien bevinding over ‘men’ oet n sproakleerbouk heb dat gaait over ale varianten van Grunnegers. Meschain is t veuraal Hogelaandsters, moar dat bouk geft mainsttieds gain Hogelaandster vörmen as hoofdveurbeeld en aans zegt ‘t wel dat ‘t veurnoamelk Hogelaandster vörmen bennen. ‘t Mout volgens bouk dus ook wel ien aandere varianten veurkommen. Moar wat varianten wait ik nait, ik zol ‘t wel geern waiten willen.
      Ik stoa open om te leren hou of ie ‘t zeggen, hail goud om te waiten. Hou zollen joe dit vertoalen: “Men zegt dat daar vreemd volk woont dat op koeien rijdt. Ik geloof er helemaal niks van.”
      Ik ben benijd noar hou of joe ‘t zeggen zellen, joe maggen netuurlek ook aandere veurbeelden geven om goud duudelk te moaken hou of joe ‘t zeggen.
      Mag ik vroagen, wat variant van Grunnegers joe sprekken?
      Aalvast bedankt veur ales, ik ben blied dat joe ‘n bericht veur mie schreven hemmen en ik ben slim benijd noar joe volgende antwoord.
      – Dyami Millarson

      Like

      • Ik kom uut de Veenkolonies. Doar proaten ze Veenkolonioals. Ik bin n veurstander van n soort van ABG (Aalgemain Beschoafd Grunnegs) Mor t mag wat mie betreft ook Aalgemain Gangboar Grunnegs nuimd worden. De boazes is doarbie t Nederlands, omreden dat is veur aal meer “grunnegers” t uutgangspunt. Boetendes verwottern de varianten aal meer onder invloud van mekoar en t Nederlands. Aindudeghaid is doarom wat mie betreft belangriek om onze streektoal “aan de man te brengen”…….

        Vertoalen:
        Men zegt dat daar vreemd volk woont dat op koeien rijdt. Ik geloof er helemaal niks van.”

        Lu zeggen dat doar vrumd volk woont dat op koien ridt. k Leuf der hailendaal niks van.
        Men zegt…..
        Ze zeggen……
        Der wordt zegd dat….

        Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s