Schreven deur Dyami Millarson

Dou ik ien Duutslaand was van end november tou aan begin desember ien twijdoezend achttien veur ‘n konferentsie dij te moaken haar mit Noord-Fraise talen, dochte ik aal moar dat ik Grunnegers om mie tou hoorde. Dat Duuts, dat liekt wel Grunnegers. Ik kreeg dat gevuil aal op de henraais en dat was ook zo mit weeromraais. Nou van dij ervoaring wil ik drij Duutse woorden mitdelen dij mie doudestieds aaltied dinken deden aan ‘t Grunnegers. Ik geef d’r ook moar ‘n mooie veurbeeldzin bie.

Schlimm, slim.

Er hat sein Bein gebrochen. Das ist schlimm. Hai het sien bain broken. Dat is slim.

Mit, mit.

Womit hat sie ihm geschlagen? Woarmit het zai hom sloagen?

Weit, wied.

Es ist noch nie so weit gekommen. ‘t Is nog nooit zo wied kommen.