Skrewwen fan Dyami Millarson

Uun oolung Tid’n hit deät Lun Fositelun. Fosite es de friisk Poseidon. De grikske Poseidon es de God fan ‘e See en uur Weetern. De Friisen hoa ümmer en Weeterfulk ween, omdat dja ümmer nai bi de See wuund hoa. Di kans teenk: Wear Friisen sen, dear sen Weetern! Dearom es Fosite woorskiinli en Weeter- en Seegod fan ‘e Friisen. Hi wür uun oolung Tid’n iip is Lun fan ‘e Friisen beiáárd, omdat deät Lun deät Fositelun wear. Deät djeow fer Fosite iip is Lun en haili Suáát en haili Fee.

Fosite es de sallowski God es Forseti, de de Nörlid’n beiáárden. De Nörlid’n fin de hiir God fan ‘e Friisen, will dat dja Handel dreow med ‘e Friisen. Önner ‘e Nörlid’n es Forseti de Djong fan Balder en Nanna. Balder, es weer de Djong fan Wodan en Frigg. Dear Balder de Welt- en Sengod es, es ‘er uk de Feerdjooar- en Sömmergod. Forseti, de Djong fan Balder, es en Rechter. De Gerechshof fan Forseti hit Glitnir. Hi set dear en spreekt Rech, dan ‘er es de Rechsgod. Ik teenk, dat Glitnir woorskiinli iip Lun wear en dearom wear deät haili.