Skríeuwen fon Ken Ho

Lopen is gesúund. In ju Näite fon mien Húus rakt et n Bíerig wier iek hoolftiedig ätterwai gunge. Dusse Dege häbe iek man undsloten, n uur Bíerig tou fienden. Säärm woonje iek ap dät Hongkong Oailound, un deeruum wol iek ap dän Bíerig The Peak wondelje, die ook ap dät Hongkong Oailound lait.

Fröier diede iek et aal, man dut Moal geen iek heel un aal fon Húus wäg un noom naan Bus of uur Woainen. Twiske dän Middai waas iek outrampeld. Sowät een Úre leter waas iek deerbie, dän Bíerig tou stiegen. Deer stuud ju Houngsteskoule, un die Röäk fon hiere Skiete waas dät Teken dät do Ljudene ap dät gjuchte Paad wieren.

Iek häbe näie Poaden näifúunden of iek dän Bíerig aal morere Moale stegen häbe. Fröier koos iek dät mäkkelke Paad, man dut Moal diede iek wät uurs. Iek noom do smälle un stiepe Trappe, instede fon dän wíeden Wai dän iek hoolftiedig noom.

Unnerwaiens moaste iek ieuwenkes sitte. n Wiele leter waas iek ap dän Top fon dän Bíerig.

Wanner iek touhúus waas, saag iek in mien Telefoan dät iek 18.000 Stappe moaked häbe. Dät waas wäil wät!