Old dett uord, old ovuð min ien guod samwite

Skrievað åv Dyami Millarson

Dar ig dşär iett löpte will ig olltiett biolda eð, ukað fer ur laindşe sę. Löpte irå ielinigų fer mig sos um guðär kuogå ǫ mig um ig al fyll upp mainų löpte. Dar ig enn it ar fyllt upp mainų löpte so ig ar gart fer mikklų år sę, brukar ig minn ǫ mig um diem tast ig ar fyllt upp diem. Summ menistşur insjǫ it at eð kan tågå iett tag innǫ ig fyller upp mainų löpte. Eð dşär ig definitivt dar ig miener at eð ir rett tið. Ig truor at öðeð lieðer mig, og fer ollt finns rett tið. Feðyö ųoruor ig mig it um ig stşuoter upp noð i mikklum årum, fer ig wet ig definitivt kumb tä dşärå eð i slutendim. Ig bitraktar diem-dar årę it sos slösað brott, autǫ sos tiðn so ig byöver fer at lära mig satşę so ig byöver fer at fyll upp mainų löpte. An kan sjǫ eð so wiðstşieplit at ig truor at eð finns rett tið fer ollt, men ig tyttşer at eð ir praktiskt, dǫ ig kringgt byöver autwekkel mig mentalt innǫ ig kan fyll upp iett löpte ǫ rettu wise. Ig wil dşärå ollt duktit, so eð tar tið.

IMAG0698

Ig autwekkleð mitşið tuolmųoð, fer ig wet at ig byöver eð fer at fyll upp alla löptę so ig ar gart. Dar ig wet at ig tar löptę so seriöst, fesäkrer ig it at dşärå fer mikklų löpte. Ig miener at eð ir it wiktut att ollų mainų löpte irå my̢öligų innǫ ien laivstið og feðyö dşär ig it löpte um satşę so ig it inna uppnǫ. Ig truor at ię menistş kan uppnǫ noð, men ųott styöst prubliem ir at wįð sakken tið. Ųorų laiv ir fer stuttų, og werdum kringgt åvliðin åv oðer sak, so avum bara liteð tið att nǫ ųorų mǫl. Laiveðs styösta kunst ir feðyö at bruka ųor tið effektivt. Eð kunnum wįð dşärå gainum at prioritir. Ukin oldum wįð för ųowiktugų? Og so, ukin oldum wįð för wiktugų? Menistşur spyra sig kringgt fuost ukin dier old för wiktugų, men wiktigest frågą ir edşentligen ukin dier old för ųowiktugų, og feðyö wen al yvyruppas. Mett mental knip ir at fokusir ǫ wen so ir ųobityðlit, og sę bistemma mig siuov fer at int slös menn tið ǫ isum-jär sakum. Ig lär mig siuov ǫ dyö wisę at min dyösummu wið kennum wen so ir ųowiktut fer mig.

imag0701.jpg

Anlieðningg að at ig bryr mig so mitşið um at old mainų löpte ir at ig wil åvå iett guott samwit. Ig wil kunna old mett uvuð ogt og saja: “Ig ar older brutið mainų löpte og ig luväð older noð so ig it kunnde uppnǫ.” Ig sjǫ ittað so ien tşensla åv ära so ir wiktun fer samelleð. Dar wįð alla avum ǫ-ðar tşenslų åv ära, kummum wįð tä lura wenanan minna, og wįð kummum tä uppnǫ mįer iuop. Iet åv diem satsę so wįð kunnum uppnǫ iuop ǫ dyö wisę ir at spår alla autruotninggsuotaðų språk. Ig ar olltiett truoeð at ien grunnleggande moralisk kid byövs fer at byddşa iett welfunggirande samelle. Isų-jär grunnleggand truonę ir innebyddşende i main uppfattningg at uotaðų språk ula spårås. Min summu moralisk tşenslu ar ig bislutið mig at jåp övdalsk språkeð tä yvyrlivå. So laindşe og ig livär, kumb ig definitivt tä styöð yvyrlievnað åv Övdalsku; ig kumb tä dşärå wen ig kan fer at studir, bifuoðer og underwais språkeð. Ig tyttşer at tä blogga riegelbundet i iett uotað språk ir iett guott wis at sprið eð og at byddş upp iett korpus åv tekster, ukað kan brukas fer autbildningsmǫl i framtiðę. Dessautum ir eð ruolit at blogga og ig lär mig mikklų nyų sak frǫ dyö. Ǫ ien wise attspailer blogga laiveðs ievit lärande.

IMAG0706

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s