Skríeuwen fon Dyami Millarson

Leeuwarden is gräin wuden, dan dät is Fóarjíer. Wan iek truch ju Stääd wonderje, häbe iek dät Gefäil, dät ju Wareld wierbädden is. Do tjuusterge Dege sunt wuddelk fóarbie un do woorme Dege läze fóar uus. Bute sjunge do Fúgele bliede hiere Fóarjíersläidere. Iek here hiere Läidere tou, as sjunge jo do Häldenläidere fon uus Fóaroolden un hiere Gode. Foar mie klinge do Läidere fon do Fúgele wo uuroolde Stukke. Dät moaket mie näitüütsk, wukke Geheme do Fúgele mäd uus dele wollen. Iek häbe Dööntjene fon oolde germaniske Keninge, do do Toalen fon do Fúgele bale un ferstounde kuden, lezen.