Skríeuwen fon Ken Ho

Nit loang fon mien Woonstede lait die Stround Chín séui wāan. Iek geen deerätterwai tou Fout un ju Raise waas mie aiske plezíerdelk. Iek hied deer äigentliek nit mit rekend, dät iek tou Fout deer iendrepe skuul. Iek geen eenfooldig ätter n wisse Gjuchtenge wai un saag tou wier iek ook ounkemen waas. Iek wüül wät bilíeuweje un ferbluffed wäide.

Die eerste Iendruk fon dän Stround Chín séui wāan waas swíer ferblufjend. Toufóar geen Iek n Stuk Wai bieloangs mäd Húze fon rieke Ljudene, un waas t nit ferwachtjend dät iek andeel lopen skuul un do waas iek bamstie bie ju Kuste fon dän Stround ounkemen. Die Wíend waas mie aiske fain un et roat nit so fúul Moanskene. Dät fäilde sik an as iek touräag ap dät Oailound Schiermonnikoog ien Nederlound waas, dät iek fóarig Jíer besoachte. Et roat alleen oolde Ljudene, un älkenain kuud alles dwo wät et him man anstuud.

Iek stuud fóar dät Woater fon ju See, dät ap n wisse Rythmus hän un ferdän fon mie keem un geen. Iek moate dät aiske un iek bleeuw deer stounde fóar n hoolve Úre. Iek wüül alleen deerätter lusterje un alles ferjete, Iek wüül sljuchtwäg nit tourääg un wüül deer äivig blíeuwe.