Mēliþ fram Dyami Millarson

Ahma in manna, aíþþáu ni in manna sijái. Nūh ahma mannan, aíþþáu ni habjái. Swēþáuh jabái manna dáuþus ist, ahma ni habáiþ. Ak jabái manna dáuþus ni ist, ahma habái. Inuh þis nū ahma sijái andizuh leikeins aíþþáu ni leikeins.

Ahma ist daúr du ansugardái jah albaháimái. Ahma, saei in dáuþis in manna ni ist, in midjungardái þaírhsijái. Hwazuh saei du ahmin gaggiþ, ni gaggái laushandus, swaswē mannans bidjandans du Guda, saei þáim áinata Guþ wisan þugkeiþ. Allis Anseis, draúhtinōs unsara, unsis qēþun:

,,Sái mildiþa jah gastigōþs þáim ahmam, þanzei anabidjáis. Gif mims jah miliþ jah miluk du ahmam, áuk ahmans sind bagmōs jah stáinōs jah milhmans, in þizēei aírþa biáukniþ. Gibōs ganōhjand alláim ahmam. Gagg jah in gamáinái blōt.

,,Gastigōdei ahmam skulds ist. Nūh gardawaldands allans niþjans jah gamainjans usbidjan brigganuh skal, ei Anseis Albeizuh tibr, þatei gardawaldands gibiþ biþē blōtiþ in gamáinái, andanimáin. Gawaúrdi miþ Gudam brūk sijái.

,,Gardawaldands, saei weiha ist faúr niþjans seinans, dius ahmam blōtái weihabōh blōd in katilu giutái. Þamma weihata blōd ist salbōns, bi þizáiei gardawaldands allans gamáinjans gaweihan skal. Þan waírōs qinōnzuh barnōh miþ blōdái salbōdōs waírþan, háilōs sind, untē ahmans, þáiei Anseis Albeizuh háitand, þáim hleibjand wiþra unhulþans unhulþōnzuh.

,,Jabái áins ganiþjis gadáuþniþ, gif hakul imma jah haúrnei faúra þus in nigaminþjis þeinis ganiþjis, ei faírhwus witi, þatei hēr jah nū ainhwarjizuh faúr ina gáunōn skal. Heiwiski heiwafráujōh gáunōnda, jah hrōpjáina, ei ahmans himinkunþōs aírþakundōzuh, Anseis Albeizuh wisandans, háusjáina jah þana dáuþana grōtjáina. Brigg leik du hunslastadái jah hunslei. Þar daúhts wisan skal faúr mannans gudōh.”