Schreven deur Dyami Millarson

Riek bennen dij ollu. Maank ollu heur ik oetdrukkingen en zegswiezen dij ik nog aans naarms heurd heb. Doarom heur ik ook geern de sproak van ollu ien ale toalen dij ik aan ‘t leren ben. Ik vien ‘t zo schier om al dij oetsproaken aigen te moaken.

Vanzulf wil ik ook zoas ollu sprekken kennen en echte toal goud onner knijen kriegen. Dat is haile oetdoaging, hur. Laigen zo’k as ik zee dat ‘t makkelk is om oetsproaken van ollu te leren. n Haile menaaier van dinken is t en dij moaks toe nait ain, twij, drij aigen.

Mouts op n bulte dingen letten zoas hou of de woorden en zinsopbaauw ofwieken van hou of jonglu ‘t zulfde oetdrukken. Mit hierom bewonner ik sproak van ollu en veur mie is sproak van ollu ‘t beste veurbeeld van hou of n toal daip sproken worren mout.

Ik wil zo geern elke toal hail daip proaten kennen en doarom zai ik ‘t as slim belangriek om zo veul mogelk mit ollu om te goan. Zuks is ook n genougen veur ollu omdat ze den jong gezelschop hemmen. Veur allebaaident is ‘t ‘n dieverdoatsie dij de tied weerd is.